“സ്വന്തം ഭാര്യ പനിച്ച് വിറച്ചു കിടക്കുമ്പോൾ ഒന്ന് ഡോക്ടറുടെ അടുത്ത് കൊണ്ടുപോകാൻ പോലും സമയമില്ലാതെ ഇരിക്കാൻ മാത്രം എന്ത് അത്യാവശ്യം ആയിരുന്നു നിങ്ങൾക്ക് ആ &%%₹യുടെ വീട്ടിൽ?”
മേഘ പറഞ്ഞു കഴിയുന്നതിന് മുൻപ് തന്നെ അരുൺ കൈനീട്ടി അവളെ അടിച്ചു.
അടിയുടെ ആഘാതത്തിൽ മേഘ കട്ടിലിലേക്ക് തെറിച്ചുവീണു. അവളുടെ കണ്ണുകളിൽ നിന്ന് കണ്ണീർ ഒഴുകി.
കവിളിൽ അരുണിന്റെ വിരലുകളുടെ പാട് ചുവന്നു തുടുത്തു വന്നു. പക്ഷേ, ആ വേദനയേക്കാൾ അവളുടെ മനസ്സിനെ പൊള്ളിച്ചത് അരുണിന്റെ ആ ക്രൂരതയായിരുന്നു.
വൃത്തികെട്ട സ്ത്രീയെ പറഞ്ഞതിന് അരുൺ അവളെ അടിച്ചത് അവൾക്ക് സഹിക്കാൻ കഴിഞ്ഞില്ല.
മേഘയുടെയും അരുണിന്റെയും വിവാഹം കഴിഞ്ഞിട്ട് ഇപ്പോൾ കൃത്യം മൂന്ന് മാസം ആകുന്നു.
വീട്ടുകാർ ആലോചിച്ചുറപ്പിച്ച ഒരു സാധാരണ വിവാഹമായിരുന്നു അത്. തുടക്കത്തിൽ എല്ലാം നല്ല രീതിയിലാണ് പൊയ്ക്കൊണ്ടിരുന്നത്.
അരുൺ ഒരു സ്വകാര്യ കമ്പനിയിൽ ജോലി ചെയ്യുകയായിരുന്നു. ശാന്തനായ, സ്നേഹമുള്ള ഒരു ഭർത്താവാണ് തനിക്ക് കിട്ടിയതെന്ന് മേഘ ആദ്യമൊക്കെ വിചാരിച്ചു.
എന്നാൽ ദിവസങ്ങൾ കഴിയുംതോറും ആ ധാരണകൾ മാറിമറിയാൻ തുടങ്ങി.
അവരുടെ വീടിന്റെ തൊട്ടരികിൽ അരുണിന്റെ അകന്ന ഒരു ബന്ധുവിന്റെ വീടാണ്.
അവിടെ ബിന്ദു എന്ന ഒരു സ്ത്രീ തനിച്ചാണ് താമസിക്കുന്നത്. ബിന്ദുവിന്റെ ഭർത്താവ് പരമേശ്വരൻ ഗൾഫിൽ ആണ്.
വലിയ ബിസിനസ്സും കാര്യങ്ങളുമായി അദ്ദേഹം അവിടെത്തന്നെയാണ് ഭൂരിഭാഗം സമയവും ചെലവഴിക്കുന്നത്.
നാട്ടിൽ ബിന്ദു മാത്രമാണ് ആ വലിയ വീട്ടിലുള്ളത്. ഏതുനേരവും അരുൺ അവിടേക്ക് പോകും.
നേരം വെളുത്താൽ അരുണിന്റെ കാലുകൾ ബിന്ദുവിന്റെ വീട്ടിലേക്കാണ് നീങ്ങുന്നത്.
ആ ചേച്ചിയുടെ എല്ലാ കാര്യങ്ങളും ചെയ്തു കൊടുക്കുന്നത് അരുൺ ആണ്. വീട്ടുസാധനങ്ങൾ വാങ്ങുന്നത് മുതൽ ബിന്ദുവിന് എന്ത് ചെറിയ ആവശ്യം വന്നാലും അരുൺ അവിടെ ഹാജരുണ്ടാകും.
ഒരു പൈപ്പ് പൊട്ടിയാൽ, അല്ലെങ്കിൽ ഒരു ബൾബ് ഫ്യൂസ് ആയാൽ എല്ലാം അരുൺ തന്നെ ചെന്ന് ശരിയാക്കണം.
അതിനായി ബിന്ദുവിന് മറ്റ് ജോലിക്കാരെ ആരെയും ആവശ്യമില്ലായിരുന്നു.
ബിന്ദു ചേച്ചി ഫോണിൽ വിളിക്കുന്നതിനു മുൻപ് തന്നെ അരുൺ അങ്ങോട്ട് ഓടിച്ചെല്ലും.
അവൾ ഒരു മെസ്സേജ് അയച്ചാൽ മതി, അരുൺ ചെയ്യുന്ന ജോലി എല്ലാം മാറ്റിവെച്ച് അങ്ങോട്ട് കുതിക്കും.
ആദ്യം ഒക്കെ ഒരു ചേച്ചിയും അനിയനും എന്നുള്ള പവിത്രമായ ബന്ധമായിരിക്കും അവർക്കിടയിൽ എന്നാണ് മേഘ കരുതിയത്.
അയൽപക്കത്തുള്ള ഒരു ബന്ധു സ്ത്രീ തനിച്ചു താമസിക്കുമ്പോൾ സഹായിക്കുന്നത് നല്ല കാര്യമാണല്ലോ എന്ന് അവളും ചിന്തിച്ചു.
അതിൽ അവൾക്ക് യാതൊരുവിധ എതിർപ്പും ഉണ്ടായിരുന്നില്ല. എന്നാൽ, കുറച്ചു ദിവസങ്ങൾ കഴിഞ്ഞപ്പോൾ കഥ മാറി.
ബിന്ദു മേഘയോട് സംസാരിക്കുമ്പോൾ ചില കാര്യങ്ങൾ വല്ലാതെ അതിരുവിടാൻ തുടങ്ങി.
മേഘയും അരുണും തമ്മിൽ ബെഡ്റൂമിൽ ഉണ്ടായ വളരെ വ്യക്തിപരമായ ചെറിയ കാര്യങ്ങൾ പോലും ബിന്ദു മേഘയോട് പറഞ്ഞു കളിയാക്കാൻ തുടങ്ങി.
“അരുൺ രാത്രിയിൽ അങ്ങനെയാണല്ലേ, ഇങ്ങനെയാണല്ലേ” എന്നൊക്കെ ചോദിച്ചുള്ള ബിന്ദുവിന്റെ സംസാരം മേഘയെ വല്ലാതെ അസ്വസ്ഥയാക്കി.
ഭാര്യയും ഭർത്താവും തമ്മിലുള്ള രഹസ്യങ്ങൾ എങ്ങനെയാണ് ഈ ബിന്ദു അറിയുന്നത് എന്ന് മേഘ ചിന്തിച്ചു.
അപ്പോഴാണ് അവർ തമ്മിൽ അത്ര നല്ല ബന്ധം അല്ല എന്ന് മേഘയ്ക്ക് മനസ്സിലായത്.
ബിന്ദു അത് മനപ്പൂർവം മേഘയോട് പറയുകയായിരുന്നു, അവരെ തമ്മിൽ തെറ്റിക്കാനും മേഘയുടെ മനസ്സിൽ സങ്കടവും ദേഷ്യവും ഉണ്ടാക്കാനും വേണ്ടിയായിരുന്നു ബിന്ദു അങ്ങനെ ചെയ്തത്.
വളരെ പാവപ്പെട്ട ഒരു കുടുംബത്തിലാണ് ബിന്ദു ജനിച്ചത്. വെറും ദാരിദ്ര്യം മാത്രമായിരുന്നു അവളുടെ കുട്ടിക്കാലത്ത് ഉണ്ടായിരുന്നത്..
നല്ല ആഹാരത്തിനോ വസ്ത്രത്തിനോ പോലും വകയില്ലാത്ത അവസ്ഥ.
പക്ഷേ, കാണാൻ നല്ല ഭംഗിയും ആകർഷണീയതയും ഉണ്ടായിരുന്നു. ബിന്ദുവിന്റെ ഈ ഭംഗി കണ്ടിട്ടാണ് പരമേശ്വരൻ അവളെ കല്യാണം കഴിച്ചു കൊണ്ടുവന്നത്.
പരമേശ്വരൻ വളരെ സമ്പന്നനായിരുന്നു. എന്നാൽ അയാൾ വെറും പഴഞ്ചനായ ചിന്താഗതിയുള്ള ആളായിരുന്നു. ബിന്ദുവും പരമേശ്വരനും തമ്മിൽ 14 വയസ്സിന്റെ പ്രായവ്യത്യാസവും ഉണ്ട്.
പണവും സുഖസൗകര്യങ്ങളും മാത്രം ലക്ഷ്യം വെച്ചതുകൊണ്ട്, ഈ പ്രായവ്യത്യാസവും അയാളുടെ സ്വഭാവവും എല്ലാം അറിഞ്ഞുതന്നെയാണ് ബിന്ദു കല്യാണം കഴിക്കാൻ സമ്മതിച്ചത്.
എന്നാൽ കല്യാണം കഴിഞ്ഞ് ആ വീട്ടിൽ എത്തിയതോടെ ബിന്ദുവിന്റെ സ്വഭാവം മാറി.
സമ്പത്തും സുഖസൗകര്യങ്ങളും കൈവന്നതോടെ അവൾ കൂടുതൽ സ്വാർത്ഥയായി.
അവൾ പരമേശ്വരനെ അയാളുടെ സ്വന്തം വീട്ടുകാരിൽ നിന്നും മാതാപിതാക്കളിൽ നിന്നും മെല്ലെ തെറ്റിച്ചു.
അവരെ അകറ്റി നിർത്തിക്കൊണ്ട് തനിക്ക് മാത്രമായി ഒരു പുതിയ വലിയ വീട് വെപ്പിച്ചു.
പരമേശ്വരന് ബിന്ദു എന്ന് പറഞ്ഞാൽ ജീവനായിരുന്നു. അവൾ എന്ത് പറഞ്ഞാലും അയാൾ അനുസരിക്കുമായിരുന്നു.
അയാളുടെ ആ അന്ധമായ സ്നേഹത്തെ ബിന്ദു സ്വന്തം ആവശ്യങ്ങൾക്കായി നന്നായി മുതലെടുത്തു.
തങ്ങളുടെ കുട്ടികളെ അവൾക്ക് നോക്കാൻ മടിയായിരുന്നു. അതുകൊണ്ട് അവരെ വളരെ ചെറിയ പ്രായത്തിൽ തന്നെ ദൂരെയുള്ള ബോർഡിങ് സ്കൂളിൽ ആക്കി മാറ്റി.
അങ്ങനെ പൂർണ്ണ സ്വാതന്ത്ര്യം നേടിയ ബിന്ദു നാട്ടിൽ ആഡംബര ജീവിതം നയിക്കാൻ തുടങ്ങി.
ഇപ്പോൾ കുറച്ചുകാലമായി അരുണുമായി ബിന്ദു വഴിവിട്ട ബന്ധത്തിലാണ്.
അരുണിന്റെ ചെറുപ്പവും ബിന്ദുവിന്റെ ഏകാന്തതയും അവരെ കൂടുതൽ അടുപ്പിച്ചു.
അരുൺ വിവാഹം കഴിക്കാൻ പോകുന്നു എന്ന് വീട്ടുകാർ പറഞ്ഞപ്പോൾ തന്നെ ബിന്ദുവിന് അത് ഒട്ടും ഇഷ്ടമായിരുന്നില്ല.
തനിക്ക് മാത്രമായി കിട്ടിയിരുന്ന അരുണിന്റെ ശ്രദ്ധയും സ്നേഹവും മറ്റൊരു പെണ്ണ് കൊണ്ടുപോകുന്നത് അവൾക്ക് സഹിക്കാൻ കഴിഞ്ഞില്ല.
അതുകൊണ്ടുതന്നെ അരുണിന്റെ വിവാഹം മുടക്കാൻ അവൾ പരമാവധി ശ്രമിച്ചിരുന്നു.
എന്നാൽ അത് നടക്കാതെ വന്നപ്പോഴാണ്, വിവാഹശേഷമെങ്കിലും അവരെ തമ്മിൽ തെറ്റിക്കാൻ ബിന്ദു തന്ത്രങ്ങൾ മെനഞ്ഞത്.
അരുണിനെ പൂർണ്ണമായും തന്റെ കൈപ്പിടിയിൽ ഒതുക്കാൻ അവൾ ശ്രമിച്ചുകൊണ്ടിരുന്നു.
അരുണിനോട് ബിന്ദുവിനെക്കുറിച്ച് എന്തു പറഞ്ഞിട്ടും കാര്യമില്ല എന്ന് മേഘയ്ക്ക് വളരെ പെട്ടെന്ന് തന്നെ മനസ്സിലായി.
അവൾ എന്തെങ്കിലും പറയാൻ തുടങ്ങുമ്പോൾ തന്നെ അരുൺ ദേഷ്യപ്പെടുകയും ബിന്ദുവിനെ ന്യായീകരിക്കുകയും ചെയ്യും.
ബിന്ദു ചേച്ചി പാവമാണെന്നും അവളെ സംശയിക്കരുതെന്നും അവൻ മേഘയെ ശകാരിക്കുമായിരുന്നു. അതുകൊണ്ട് മേഘ പിന്നീട് ഒന്നും മിണ്ടാതെയായി. സത്യം പുറത്തുകൊണ്ടുവരാൻ അവൾ ഒരു നല്ല സമയത്തിനായി ക്ഷമയോടെ കാത്തിരുന്നു.
കഴിഞ്ഞ കുറച്ചു ദിവസങ്ങളായി ഒരു കാര്യം മേഘ ശ്രദ്ധിക്കുന്നുണ്ടായിരുന്നു. രാത്രിയായാൽ എന്നും നിർബന്ധിച്ച് അരുൺ അവൾക്ക് ഒരു ഗ്ലാസ് പാൽ കുടിക്കാൻ കൊടുക്കും.
മേഘയ്ക്ക് പാൽ കുടിക്കാൻ താല്പര്യമില്ലെങ്കിൽ പോലും അരുൺ വല്ലാതെ നിർബന്ധിക്കും.
അവളോട് സ്നേഹം കാണിച്ചാണ് അവൻ ആ പാൽ കുടിപ്പിച്ചിരുന്നത്. എന്നാൽ അത് കുടിച്ചു കഴിഞ്ഞാൽ പിന്നെ മേഘയ്ക്ക് അമിതമായ ക്ഷീണം അനുഭവപ്പെടുകയും, ഒന്നും അറിയാതെ അവൾ ബോധം കെട്ട് ഉറങ്ങിപ്പോവുകയും ചെയ്യുമായിരുന്നു.
രാവിലെ വളരെ വൈകിയാണ് അവൾ ഉണർന്നിരുന്നത്. ഉണരുമ്പോൾ തലയ്ക്ക് കനത്ത ഭാരവും തോന്നുമായിരുന്നു.
ഇത് ദിവസേന ആവർത്തിക്കാൻ തുടങ്ങിയപ്പോൾ മേഘയ്ക്ക് അരുണിന്റെ കൈകളിൽ സംശയം തോന്നാൻ തുടങ്ങി.
ഈ പാലിൽ അവൻ എന്തോ കലർത്തുന്നുണ്ടെന്ന് അവൾ ഉറപ്പിച്ചു. അങ്ങനെ ഒരു ദിവസം രാത്രി അരുൺ പതിവുപോലെ പാലുമായി മേഘയുടെ അടുത്തെത്തി.
അവൾ അത് കുടിക്കുന്നത് പോലെ അഭിനയിച്ചു. അരുൺ തിരിഞ്ഞുനിന്ന സമയം നോക്കി അവൾ ആ പാൽ ജനലിലൂടെ പുറത്തേക്ക് കളഞ്ഞു. തുടർന്ന് ഒന്നും അറിയാത്തതുപോലെ കട്ടിലിൽ കിടന്ന് ഉറക്കം നടിച്ചു.
അന്ന് രാത്രി, താൻ നല്ല ഉറക്കത്തിലായി എന്ന് കരുതി അരുൺ മെല്ലെ കട്ടിലിൽ നിന്ന് എഴുന്നേറ്റു പോകുന്നത് മേഘ അറിഞ്ഞു.
അവൻ ശബ്ദമുണ്ടാക്കാതെ മുറിക്ക് പുറത്തേക്ക് പോയി. മേഘ പതുക്കെ കണ്ണ് തുറന്നു. അവളുടെ ഹൃദയം പടപടാ ഇടിക്കുന്നുണ്ടായിരുന്നു.
അവൾ കട്ടിലിൽ നിന്ന് എഴുന്നേറ്റു. സ്വന്തം മൊബൈൽ ഫോണും കൈയ്യിലെടുത്ത് അവൾ അരുണിന്റെ പിറകെ പതുക്കെ പോയി.
ബിന്ദുവിന്റെ വീട്ടിലേക്ക് ആയിരുന്നു അവൻ നേരെ പോയത്.
ആ വീടാകെ ഇരുട്ടായിരുന്നു. ഹാളിലെ ചെറിയ ഒരു വെളിച്ചം കണ്ടാണ് അവൾ അങ്ങോട്ട് നീങ്ങിയത്.
മുറ്റത്തുനിന്ന് ഹാളിലേക്ക് തുറക്കുന്ന ജനാല തുറന്നിട്ടിരിക്കുന്നത് അവൾ ശ്രദ്ധിച്ചു..
അവൾ അതിനരികിലേക്ക് ചെന്ന് അകത്തേക്ക് നോക്കി..
അവിടെ മേഘ കണ്ടത് അവൾ ജീവിതത്തിൽ ഒരിക്കലും കാണാൻ പാടില്ലാത്ത, ആഗ്രഹിക്കാത്ത ഒരു ദാരുണമായ കാഴ്ചയായിരുന്നു.
ബിന്ദുവും അരുണും കൂടി ഹാളിലെ സോഫയിൽ കിടന്ന് കെട്ടിമറിയുന്നത് അവൾ സ്വന്തം കണ്ണുകളാൽ കണ്ടു.
ഒന്ന് അകത്തേക്ക് പോകാനുള്ള സാവകാശം പോലും ആ രണ്ടുപേർക്കും ഉണ്ടായിരുന്നില്ല. അത്രയ്ക്ക് കാമഭ്രാന്ത് മൂത്ത അവസ്ഥയിലായിരുന്നു അവർ.
എന്നാൽ അത് മേഘയ്ക്ക് ഒരു വലിയ ഭാഗ്യമായി മാറി. അവർ പരസ്പരം കാമകേളിയിൽ മുഴുകിയിരുന്നതുകൊണ്ട് മേഘ ജനലോരം വന്നു നിൽക്കുന്നത് പോലും അറിഞ്ഞില്ല.
അവൾ ഒട്ടും സമയം കളയാതെ, ജനൽ പാളിയുടെ മറവിൽ നിന്ന് തന്റെ മൊബൈൽ ക്യാമറ ഓൺ ചെയ്തു. അവിടെ നടന്നുകൊണ്ടിരുന്ന അരുണിന്റെയും ബിന്ദുവിന്റെയും മോശം പ്രവർത്തികൾ എല്ലാം അവൾ കൃത്യമായി മൊബൈലിൽ വീഡിയോ ആയി പകർത്തി.
തെളിവുകൾ എല്ലാം അവളുടെ കൈകളിൽ ഭദ്രമായി.
എന്തോ ഭാഗ്യത്തിനാണ് അപ്പോൾ മേഘയ്ക്ക് അങ്ങനെ ഒരു ബുദ്ധി തോന്നിയത്.
അവൾ ഒച്ച വെയ്ക്കാനോ അവരുമായി വഴക്കിടാനോ പോയില്ല. പകരം ആ വീഡിയോയുമായി അവൾ നേരെ അരുണിന്റെയും സ്വന്തം വീട്ടുകാരുടെയും മുന്നിലേക്ക് ചെന്നു.
രാത്രി തന്നെ എല്ലാവരെയും വിളിച്ചുണർത്തി അവൾ ആ ദൃശ്യങ്ങൾ കാണിച്ചുകൊടുത്തു.
അരുണിന്റെ യഥാർത്ഥ മുഖം കണ്ട് അവന്റെ വീട്ടുകാർ തലകുനിച്ചു. ബിന്ദുവിന്റെ വഞ്ചനയും നാടകം കളിയും എല്ലാവർക്കും ബോധ്യമായി.
മേഘ പിന്നീട് അവിടെ ഒരു നിമിഷം പോലും നിന്നില്ല. അവൾ ആ രാത്രിയിൽ തന്നെ സ്വന്തം വീട്ടിലേക്ക് ഇറങ്ങിപ്പോയി.
പിന്നീട് അവൾ കോടതിയെ സമീപിക്കുകയും, ആ വീഡിയോ തെളിവായി ഹാജരാക്കി അരുണിൽ നിന്ന് നിയമപരമായി ഡിവോഴ്സ് വാങ്ങുകയും ചെയ്തു.
ഒരു തെറ്റുകാരന്റെ കൂടെ ജീവിതം നശിപ്പിക്കാതെ, കൃത്യസമയത്ത് സത്യം മനസ്സിലാക്കി അവൾ ആ ബന്ധത്തിൽ നിന്നും രക്ഷപ്പെട്ടു.
എല്ലാം അറിഞ്ഞു പരമേശ്വരൻ ബിന്ദുവിനെ ഒഴിവാക്കി… ഇപ്പോൾ ദാരിദ്ര്യം പിടിച്ച ആ ചെറ്റകുടിലിൽ അവർ വീണ്ടും എത്തിച്ചേർന്നു എന്നാണ് മേഘ അറിഞ്ഞത്.
അവൾക്ക് അതൊന്നും അറിയാൻ താല്പര്യമുണ്ടായിരുന്നില്ല കാരണം അരുണും ബിന്ദുവും അവളുടെ ജീവിതത്തിൽ അടഞ്ഞ അധ്യായങ്ങൾ ആയിരുന്നു.
✍️സ്റ്റോറി by കൃഷ്ണ
