✍️ RJ
“കിടപ്പറയിൽ എന്നെ എന്റെ ആഗ്രഹത്തിനനുസരിച്ച് തൃപ്തിപ്പെടുത്താനോ , സ്വയം പൂർണ്ണനായൊരു ആണൊരുത്തനായ് മാറാനോ കഴിവില്ലാത്തൊരുവനാണ് എന്റെ കൂടെ ഭർത്താവാണെന്നു പറഞ്ഞു നടക്കുന്നവൻ എന്ന് തിരിച്ചറിഞ്ഞപ്പോൾ പുല്ലു പോലയാളെ വേണ്ടെന്നു വെച്ചു ദൂരേയ്ക്ക് വലിച്ചെറിഞ്ഞവളാണ് ഞാൻ…
ഉപകാരമില്ലെന്നു കണ്ടു ഞാൻ വേണ്ടാന്നു വെച്ചു വലിച്ചെറിഞ്ഞു കളഞ്ഞതിനെയാണ് ദിയേ നീ നിന്റെ ഭർത്താവായ് സ്വീകരിക്കാൻ പോവുന്നത്… വെറുതെ വീട്ടുകാരുടെ വാക്കു കേട്ട് വിഡ്ഢിത്തം കാണിക്കാൻ നിൽക്കണ്ട നീ… നിനക്ക് മാത്രമാണ് നഷ്ടം… നിന്നെ തൃപ്തിപ്പെടുത്താനോ നിനക്കൊരു കുട്ടിയെ തരാനോ കഴിവില്ലാത്ത അയാളെ കെട്ടാൻ നീ സമ്മതിക്കരുതൊരിക്കലും
ആരെത്ര നിർബന്ധിച്ചാലും നീ സമ്മതം പറയരുത്… മനസ്സിലായോ ഞാൻ പറഞ്ഞത്…?
ദിയയെ ഒന്നാകെ പിടിച്ചുകുലുക്കി സുമി ചോദിച്ചതും സമ്മതമെന്നതു പോലെ തലയിളക്കി പോയ് ദിയ…
ഒരു വിജയ ചിരി തെളിഞ്ഞു സുമിയുടെ മുഖത്ത്
കാർത്തിക്….
ഏതൊരു പെണ്ണും മോഹിക്കും പോലൊരു ആണൊരുത്തനാണവൻ…
ഭംഗിയുള്ള മുഖവും ഏതൊരു പെണ്ണിനെയും മോഹിപ്പിക്കാൻ തക്ക ഉറച്ച മാംസപേശികളുമുള്ള ദൃഢമായ ശരീരവും തന്നെ അവന്റെ ആരാധികയാക്കി…
അവനെ സ്വന്തമാക്കി അവന്റെ കരുത്തറിഞ്ഞ് അവനിൽ അലിയാനുള്ള മോഹം കഠിനമായപ്പോഴാണ് അച്ഛനെ സമീപിച്ചത്… വാശിയോടെ അവനെ വേണമെന്ന് പറഞ്ഞ് കരഞ്ഞത്….
അത്ഭുതമായിരുന്നു അച്ഛനും… തികച്ചുമൊരു സാധാരണക്കാരനായ അവനു വേണ്ടി താൻ വാശി പിടിക്കുന്നതിൽ…
ആഗ്രഹിക്കുന്നതെന്തും വാശി പിടിച്ച് നേടിയെടുക്കുന്ന
തന്റെ വാശി തന്നെ ജയിച്ചൊടുവിൽ…
അവനെ സ്വന്തമാക്കി…
എന്നാൽ താനറിയാൻ ആഗ്രഹിച്ച അവന്റെ ശരീരവും കരുത്തും അതൊരിക്കലും പൂർണ്ണമായ് തനിയ്ക്ക് സ്വന്തമായില്ല…
തനിക്കടുത്തെത്തുമ്പോഴേ തളർന്നു പോവുന്ന അവനും അവന്റെ ശരീരവും തനിക്കൊരു നിത്യ കാഴ്ചയായതും വിവാഹം കഴിഞ്ഞു ദിവസങ്ങളായതേയുള്ളു എന്നത് മറക്കാൻ പ്രേരിപ്പിച്ചു തന്നെ… കണക്കറ്റു പരിഹസിച്ചവനെ… വീട്ടുകാർക്കും കുടുംബക്കാർക്കുമിടയിൽ ഒരു കഴിവുകെട്ടവനാക്കി നിർത്തി അവനെ ആവോളം പരിഹസിച്ചു രസിച്ചു താൻ….
ഒടുവിൽ അവനുമായുള്ള എല്ലാ ബന്ധവും അവസാനിപ്പിച്ചാ വീടിന്റെ പടിയിറങ്ങി പോന്നിട്ടും എന്തോ അവനോടുള്ള ദേഷ്യം മാത്രം വിട്ടൊഴിഞ്ഞില്ല മനസ്സിൽ നിന്നും…
ഒരു വർഷത്തിനിപ്പുറം രാഹുലിന്റെ ഭാര്യയായ് താനിഷ്ടപ്പെട്ട ജീവിതം ജീവിക്കുമ്പോഴും മനസ്സിൽ ഒരസ്വസ്ഥത നിറയും സുമിയിൽ പലപ്പോഴും…
എന്തിനെന്നറിയാത്ത ആ അസ്വസ്ഥതയുടെ കാരണം തിരയുമ്പോഴാണ് കാർത്തിക്കിന്റെ വിവാഹ വാർത്ത കാതിലെത്തിയത്…
കേൾക്കാൻ ഒരിക്കലും ആഗ്രഹിക്കാത്ത വാർത്ത…
അവന്റെ ജീവിതത്തിൽ ഒരു പെണ്ണ് വേണ്ടെന്ന ചിന്തയിൽ അന്വോഷിച്ചപ്പോഴാണ് അറിയുന്നത് അവൻ കെട്ടാൻ പോവുന്നത് തനിക്കറിയാവുന്നവളെ ആളെന്ന് …. കോളേജിൽ തന്റെ കൂടെ ഉണ്ടായിരുന്നവളാണ്
ദിയ….
ഒരു പേടിത്തൊണ്ടി പെണ്ണ്… വീട്ടുകാരെ
എതിർ വാക്കില്ലാതെ അനുസരിക്കുന്നവൾ… അവളെ തേടി കണ്ടെത്തി ആ കല്യാണം മുടക്കാനുള്ളതെല്ലാം ചെയ്തു മടങ്ങുമ്പോൾ വല്ലാത്തൊരു ആത്മസംതൃപ്തിയുണ്ട് സുമിയിൽ..
കാർത്തിക് ദിയയുടെ കഴുത്തിൽ താലിചാർത്തുന്നത് കണ്ണിലെരിയുന്ന കനലോടെ നോക്കി നിന്നു സുമി…
താലിക്കെട്ടും ചടങ്ങും കഴിഞ്ഞ് വധൂവരന്മാർ മണ്ഡപത്തിലൊരുക്കിയ ഇരിപ്പിടങ്ങളിലിരുന്നതും അവർക്കടുത്തേക്ക് ഗർവ്വോടെ ശിരസ്സുയർത്തി പിടിച്ചു നടന്നു സുമി
പതിവിലും ഏറെ സുന്ദരനായിരിക്കുന്ന
കാർത്തികിനെ കണ്ടതും ഉള്ളിലെവിടെയോ ഒരു നഷ്ടബോധ ചുഴിയിളകി അവളുടെ ഉള്ളിൽ
തന്നെ കണ്ടതും പരിഭ്രമം നിറയുന്ന കാർത്തികിന്റെ മുഖം കണ്ടതും സുമിയിലെ നഷ്ടബോധം അഹങ്കാരത്തിനു വഴിമാറി…
“ഒരു പെണ്ണിനോടൊത്ത് ശരീരം പങ്കിട്ട് രസിച്ചു ജീവിക്കാൻ നിനക്ക് കഴിയില്ലാ എന്നറിഞ്ഞിട്ടും, നീയൊരു കഴിവുക്കെട്ടവനാണെന്ന് നിനക്ക് തന്നെ ബോധ്യമുണ്ടായിട്ടും നീയെന്തിനാടാ വെറുതെ ഈ പെണ്ണിനെ കെട്ടിയത്… ?
ഇവളുടെ സൗന്ദര്യം വെറുതെ നോക്കി നിൽക്കാനോ….?
കാർത്തികിനോടു തനിയ്ക്കുള്ള അവജ്ഞ മുഴുവൻ തന്റെശബ്ദത്തിൽ നിറച്ച് സുമി അവനോടു ചോദിച്ചതും പരിഭ്രാന്തിയോടവന്റെ നോട്ടം തേടിയത് ദിയയെ ആണ്… അവളിലെ മാറ്റങ്ങളെയാണ്
“നീ അവളെ നോക്കണ്ട കാർത്തിക്… നീയൊരു കഴിവുകെട്ടവനാണെന്നും നിന്നെ കെട്ടി ജീവിതം തുലയ്ക്കണ്ട എന്നുമെല്ലാം നേരത്തെ തന്നെ ഞാനവളെ നേരിട്ടറിയിച്ചതാണ്… അതു കേൾക്കാതെ നിന്റെയീ സൗന്ദര്യത്തിൽ മയങ്ങി വന്നേക്കുവാണവൾ… നീ കാഴ്ചക്കേ ഉള്ളൂവെന്ന് ഇന്നത്തൊരു രാത്രിയോടെ അവൾക്കു മനസ്സിലാവും… അപ്പോ തീരും അവളുടെ അഹങ്കാരവും…
സുമിയുടെ വാക്കുകൾ കാർത്തികിലൊരു പരിഭ്രമം തീർത്തുവെങ്കിലും ദിയയുടെ മുഖം തികച്ചും ശാന്തമായിരുന്നു…
വിവാഹം കഴിഞ്ഞ് വീട്ടിലെത്തിയതും വല്ലാത്തൊരു വെപ്രാളം പൊതിഞ്ഞു കാർത്തികിനെ… പലപ്പോഴും തന്നിലേക്കെത്തുന്ന ദിയയുടെ നോട്ടം അവന്റെ ഉള്ളിലെ ഉഷ്ണത്തെയേറ്റി…
ദിയാ…. എനിക്കിത്തിരി സമയം തരാമോ…?
രാത്രി തന്റെ മുറിയിലേക്ക് കിടക്കാനെത്തിയ ദിയയോട് ചോദിക്കുമ്പോൾ ആദ്യ വിവാഹബന്ധം സ്വന്തം കഴിവുക്കേടു കൊണ്ട് തകർന്നൊരുവന്റെ ദയനീയത മുഴുവനും നിറഞ്ഞു നിന്നിരുന്നു കാർത്തികിന്റെ ശബ്ദത്തിൽ…
“കാർത്തിയേട്ടന് എന്നെയൊരു ഭാര്യയായ് കാണാനും ഉൾക്കൊള്ളാനും സമയം വേണമെങ്കിൽ അതെടുത്തോളൂ… എത്ര നാൾ ആണെങ്കിലും…മറിച്ച് താൻ പൂർണ്ണനായൊരു പുരുഷനല്ല എന്ന ചിന്തയിലാണ് ഈ സാവകാശം ചോദിക്കലെങ്കിൽ അതു ഞാൻ സമ്മതിക്കില്ല… കാരണം കാർത്തിയേട്ടനെയും കാർത്തിയേട്ടനിലെ പുരുഷനെയും എനിയ്ക്ക് പൂർണ്ണ വിശ്വാസമാണ്… ആ വിശ്വാസം ഒന്നുകൊണ്ടു മാത്രമാണ് സുമിയുടെ വാക്കുകൾ തള്ളി കളഞ്ഞ് നിങ്ങളുടെ താലിക്കായ് ഞാൻ തലകുനിച്ചതും… ഇഷ്ടമാണ് കാർത്തിയേട്ടനെയെനിക്ക്… വിശ്വാസവുമാണ് എന്നെക്കാൾ…. ”
ചുണ്ടിലെ പുഞ്ചിരി മായാതെ തന്നെ നോക്കി പറയുന്നവളെ അങ്ങനെ നോക്കിയിരിക്കെ അവളുടെ പുഞ്ചിരിക്കുന്ന തേനൂറുംഅധരങ്ങളും വിടരുന്ന ,മോഹിപ്പിക്കുന്ന കണ്ണുകളുമെല്ലാം അവളിലേക്കവനെ മാടി വിളിച്ചുകൊണ്ടിരുന്നു….
ക്രമം തെറ്റിയുയരുന്ന തന്റെ ശരീരോഷ്ണം സ്വയം ചെറുക്കാൻ പറ്റാതെ വന്നൊരു നിമിഷം ദിയയിലേക്ക് പൂർണ്ണമായ് ചേർന്നലിഞ്ഞു പോയ് കാർത്തിക്…
താനെന്ന പുരുഷന്റെ കരുത്തും കഴിവും പൂർണ്ണമായ് ദിയയിൽ ലയിപ്പിച്ചവളുടെ മാറിൽ തന്നെ തളർന്നു വീഴുമ്പോൾ കാർത്തികിന്റെ കണ്ണിൽ നിന്നൊരു തുള്ളി കണ്ണുനീരിറ്റി പരന്നവളുടെ മാറിലായ്…
സുമി എന്ന പെണ്ണിന്റെ അഹങ്കാരത്തിലും അമിതമായ ലൈംഗീക തൃഷ്ണയിലും പതറി തളർന്നു പോയതാണ് പലപ്പോഴും താനെന്ന പുരുഷനെന്നറിഞ്ഞിട്ടും ഉള്ളിലൊരു ഭയം മറഞ്ഞിരിപ്പുണ്ടായിരുന്നു കാർത്തികിൽ… അതാണൊരു പുഞ്ചിരിയിലൂടെ ദിയ അവനിൽ നിന്നകറ്റിയതും….
മൂന്നു നാലു വർഷങ്ങൾക്കിപ്പുറം കാർത്തികും ദിയയും അവരുടെ രണ്ടു കുഞ്ഞുങ്ങളെയും കയ്യിലേന്തി ജീവിതത്തിലെ അതിമനോഹരമായൊരു പ്രണയകാലം ആസ്വദിച്ചനുഭവിക്കുമ്പോൾ അവരുടെ ദൃഷ്ടിയിൽ പെടാതെ ഒഴിഞ്ഞുമാറി ജീവിച്ചു സുമി…. സ്വന്തമെന്നു പറയാൻ ഒരു കുഞ്ഞോ ചേർത്തു പിടിക്കാൻ ഒരു പുരുഷനോ ഇപ്പഴവളുടെ ജീവിതത്തിലില്ല… ഒന്നിലും സംതൃപ്തി കണ്ടെത്താൻ കഴിയാത്തൊരുവൾക്കൊപ്പം ജീവിതം ജീവിച്ചു തീർക്കാൻ മനസ്സില്ലെന്നു പറഞ്ഞ് അവളുടെ മൂന്നാമത്തെ ഭർത്താവും ഈ സമയം കൊണ്ടവളെ ഉപേക്ഷിച്ചു പോയിരുന്നു….
ഇനിയെങ്കിലും തന്റെ മകൾക്ക് അവളാഗ്രഹിക്കുന്ന ഭർത്താവിനെ നേടികൊടുക്കണമെന്ന ചിന്തയോടെ അവൾക്കുള്ള പുരുഷനെ തിരഞ്ഞന്നേരവും അവളുടെ അച്ഛൻ അലയുന്നുണ്ട് തെരുവോരം… കണ്ടെത്തുമായിരിക്കും എന്നെങ്കിലും അയാൾ തന്റെ മകൾക്കൊരുവനെ…. അവളാഗ്രഹിയ്ക്കും പോലൊരുവനെ…
RJ
